Melkesjokoladekrem

Sjokolade er noke av det beste som finst, og rein melkesjokolade er ein stor favoritt for min del. Derfor måtte eg lage ein melkesjokoladekrem som er ein av oppskriftene eg bruker på sjokoladekaker eg lager.

Her er oppskrifta:

• 200 gr melkesjokolade 

•  5 ss kaffe 

•  100 gr smør 

• 1 ss melk 

•  5 dl melis

Først deler du opp melkesjokoladen i ruter og smelter dette i vatnbad saman med kaffe

Medan sjokoladen smelter har du melis, smør og melk i ein bolle. Pisk dette litt sånn at smøret blir blanda med melisen, før du heller oppi den smelta sjokoladen samtidig som du pisker blandinga lett.

 Resultatet blir ein lys og luftig sjokoladekrem med deilig melkesjokoladesmak :D

                                                                      Jeanett
                                         

 

 

Sukkerbunn

Eg bruker ofte sukkerbunn når eg lagar kaker, dei er enkele å lage, blir høge og fine og smaker veldig godt. Har brukt same oppskrifta i fleire år, og eg lærte den då eg jobba på bakeri, men ser at den også ligger ute på fleire nettsider, blandt anna på cacas.no sine heimesider Her. Dermed er eg litt usikker på kor oppskrifta kjem ifrå, og regner med at eg også trygt kan skrive den på min blogg, då eg blandt anna steiker den på ein anna temperatur.

Oppskrifta:

6 egg

180 g sukker

120 g kveitemjøl

30 g potetmjøl

0,5 ts bakepulver 

 Steikast på 180 grader i 25-30 min

                                                           Finn fram egg og sukker

                                              Pisk dette til stiv eggedosis, ca 10 minutter

                                                 Mål opp mjøl, bakepulver og potetmjøl

                                                    Sikt mjølblandinga oppi eggedosisen

                                                                       Vend inn forsiktig

Eg bruker kun bakepapir som eg kler rundt kakeforma,

 då blir bunnen perfekt under steiking

                                                                 Hell røra over i forma

                                                  Sånn ser bunnen ut når den er ferdig,
                                                  la den bli avkjølt før du tar den ut av forma

Ferdig kakebunn, klar til bruk

 Spør viss du lurer på noke =)

                                                                    Jeanett

Baguetter med frisk basilikum og persille

            Deilige baguetter med frisk basilikum og persille

Oppskrift:

8 dl kveitemjøl

3 dl sammalt kveite grov

50 gr gjær

2 ts salt

Hakka basilikum

Hakka persille

2 ss lys sirup

50 gr smelta margarin

4 dl lunka melk

Steikast på 225 grader i 10-12 min

Start med å blande alt det tørre: mjøl, salt og gjær

Hakk opp basilikum og persille

Ha dette oppi mjølblandinga

Smelt smør og lunk melka

Tøm litt og litt melk/smør oppi bollen, medan deiga blir elta, og sett den til heving

Del deiga i 4 emner og trill til pølser, lag små snitt med ein kniv

Hev til dobbel størrelse

Medan baguettane steikast, lager du til blandinga du skal pensle med, når baguettane kjem ut av ovnen

3 ss vatn

0,5 ts potetmjøl

1 ss tørka basilikum

Kok opp dette i ei panne

Pensle dette på baguettane når dei kjem ut av ovnen

I følge mannen min var dette dei beste baguettane han nokon gang hadde smakt, og eg håper du også vil like dei viss du prøver oppskrifta

Jeanett

Snickerskake

På den gamle bloggen min som handla om alt fra kaker, scrapping og kvardags liv, var det eit inlegg som altid var mest populært. Inlegget var oppskrift på snickerskake og medan eg har vert på påskeferie heime i Sunnfjord, fikk eg tid for å lage ein bildeserie av korleis eg lager kaken også, slik at eg kan legge den ut på nytt her.

Slik ser kaka ut:

                                                       

Først kjem oppskrift på bunnane:

6 eggekviter

6 dl sukker

5 dl malte peanøtter

40 knuste ritz kjeks

Steikes på 175 grader i ca 25 minutter 

                                    Start med å stivpiske eggekviter og sukker

Knus peanøtter og ritz kjeks

Bland inn i eggekviten for hand

Fordel røra i to former på 24 cm

Fyll:

          3 dl kremfløyte
          30 gr sukker

                                                       Pisk kremfløyta og sukker

Ha kremfløyte mellom dei to kakebunnane når dei er avkjølte

Glasur:

60 gr margarin

100 gr kokesjokolade

2 ss kaffi

3 eggeplommer

3 ss sukker

                                        Smelt kokesjokolade, margarin og kaffi over vannbad

Pisk eggeplommene og sukker 

Bland sjokoladeblandingen i eggedosisen

Hell sjokoladeblandingen over kaka og la det renne nedover kantane

Dryss over peanøtter og kaka er klar til å nytast

Jeanett

Sjokoladekjeks med peanøtter/sjokoladebiter

Helgekosen her i heimen er heimelaga sjokoladekjeks med sjokolade og peanøttbiter. Kjeksa er store, med ei hard kjerne og mjuke inni, dei har også lang holdbarhet, dvs viss dei får ligge i fred i kakeboksen ;)

Her er oppskrifta om du vil lage sjølv: 

350 gr  sukker
280 gr smør - romtemperert
2 store egg
420 gr kveitemjøl
1 1/4 ts bakepulver
1 1/4 ts natron
1,5 ts salt
2 ts vaniljesukker
60 gr kakao
100 gr kvit sjokolade
100 gr sjokolade
200 gr peanøtter
Steik på 180 grader i 10 minutt

 Framgangsmåten:

                                                               Mål opp sukker og smør

Pisk lyst og luftig

Lag klar 2 store egg

Hell oppi eit om gangen

Hakk opp sjokolade og peanøtter og mål opp kakao

Hell oppi blandinga

Mål opp kveitemjøl

Sikt oppi blandinga

Elt deiga lett for hand

Trill til ei pølse og del opp i passelige dela

Legg på bakeplate og sett i ovnen

Ferdig steikte

Nyt helga <3 

Jeanett